بنتقابل كدة صدفة

من طرف ahmed totti 2009-10-21, 5:28 am

[center][right]بنتقابل كدة صدفة
وتجمعنا طرق وبيوت
ويوم دمعة ويوم ضحكة
وصوت شوق القلوب مكبوت
لا بسالها عن الضحكة
ولا الدمعة
وجوة سكوتى يبكى الصوت
ويهرب منا يوم ورا يوم
وانا ساكت
وشوق القلب جوه تابوت
بيصرخ باعلى ما فيه
وأعلى ما فيه
بيبقى سكوت
سكوت بيعاند الايام
بيهرب مالحياة للموت
أقول مسيرى هتكلم
وواقف والحياة بتفوت
تعدى على الطريق جنبى
تسلم وانكسف منها
ادور وشى واهدى
ويسبق مشيها خيالها
والاقى نفسى واخدانى
واكمل تانى والحقها
ولما الاقيها بصالى
اعاند نفسى واسبقها
ومش عارف اكلمها
ولا اشكيلها ولا احكيلها
وخوفى عليها خوف منها
وده لأنى بعشقها I love you