واحد عصبى عمل منتدى ادخل شوف القوانين ايه

من طرف true ....love 2010-01-30, 8:09 am

واحد عصبى جدا بطريقه وحشه خالص عمل منتدى

ودى القوانين اقرأ:-

1-عضويتك تبقي بأسم محترم و ابن حلال و يا ريت تكون بالعربي

مش هقرف نفسي و أقعد أترجم انا و إلا هتتوقف

و أي حد مش عاجبني اسمه هيتوقف

2-أي رد مفهوم أو غير مفهوم هتتوقف ( منتدى بينش دبان )

3-تشارك من سكات

4-قسم الفرفشة تكتب تعليق و انت ساكت و مش عاوز ضحك

5-قسم المسابقات تلعب من غير أي هزار

6-ماتقعدش فاتح المنتدي طول اليوم عشان متضغطش علي السيرفر

سيب فرصة لغيرك عشان يتنيل يدخل

7-أي موضوع مكرر أو منقول أو حتي جديد يحذف فورا ( منتدى ع الصراط المستقيم )

8-قسم الشكاوي مشوفش فيه موضوع واحد و إلا تتوقف

9-تخليك في حالك و متتكلمش مع حد من الأعضاء جوة المنتدي أو برة المنتدي

10-ممنوع أي هزار أو تعارف أو تهنئة