مقارنه مابين الولد والبنت

من طرف **احمد أمين** 2009-10-11, 4:14 pm

المقارنه الاولى

بالنسبه للفتاه
لو شافت مره واحد لاول مره واعجبت بيه تبصله من تحت لتحت عشان ميتفضحشى امرها والناس تتكلم عليها

اما بالنسبه للولد
لو شاف واحده لاول مره واعجب بيها يلف وشه 360 درجه وتلاقى يا عينى نص سكان المنطقه عرفو هو بيبص ليه ويتفضح امره والناس تتكلم عليه

المقارنه الثانيه

بالسبه للفتاه
لو لقت قط غريب فى البيت بتروحله وتطبطب عليه وبتاخده تاكله وتروح للباب تحطه بره وتغنيله اسفه لاصاله والسبب ان ابوها مش بيحب القطط فى البيت
وتعد القط انها هدخله غدا والمسكين يستنى لبكره ويبات فى البرد

بالنسبه للولد
فامبيصدقشى نفسه لما يلاقى قط فى البيت بيتخيل نفسه زين الدين زيدان
ويسدد ضربه حره وفجاه يجد القط نفسه مسدد به خارج النافذه وهو طاير بيقوله منك لله يا شيخ لحد ما يعتر فى صندوق زباله تاخده

المقارنه الثالثه

بالنسبه للفتاه
حين يجد مرعب النساء فى المنزل طبعا كلنا عارفينه ( الصرصور ) تصرخ جامد اكنها بتلحن سيمفونيه بتهوفن من جديد وتجرى تجيب المبيد وتجرى على الصرصور وتقوله حتموت يعنى حتموت والله لاموتك والصرصور بيضحك على خفه دمها لحد ما ابوها يجى وينزل عليه بالقباب

بالنسبه للولد
بيتغر فى نفسه بقا ويقول للصرصور جيتلى لوحدك محدش جابك يعمل فيها بقا رامبو ويصطاد الصرصور ويقطع رجله الاولى ويقوله
بابا فين
الرجل التانيه : ماما فين
الرجل التالته : اخواتك فين
الرجل الرابعه : ساكن فين
بكده يكون تمت عمليه التعذيب ومازال الصرصور حيا
يسيبه صاحى مشلول من غير ارجل عشان يبقى عبره للى هيجى البيت من شله الانس والفرفشه شله مرعبين النساء

المقارنه الرابعه

خناقه بين بنتين ما بنسمعشى الا ..؟؟؟؟؟

انتى حماره
انتى اللى ستين حماره
الزمى حدودك انتى اللى ستميه وستين حماره
ياااه انتى جريئه اوى انتى اللى ست الاف ستميه وستين حماره
لحد ما يوصلو للعد 6666666666666666666666666 من الحمير

اما بين الاولاد فا عينك ما تشوف الا النور الضرب تحت الحزام
وبعد الخصام يحلى السلام
هااااااااااى

خطيب و خطيبته بيحبو بعض اوى اوى اوى

الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)

2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)

3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول

4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها

كفايا كده عشان طولت اوى بس انا مش عايز دمى يروح هدر لو مجتش المنتدى لمدة يومين ..علشان لسة فى حلقات تانية للموضوع