من يجرؤ؟؟؟؟؟؟؟؟؟؟؟؟؟؟

[nobel]

*أنت مكلف بحذف حرفين من حروف اللغة العربية .. أيهما ستختار ولماذا ؟

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

*بجملة واحدة فقط أكتب تعريفاً لكل كلمة من الكلمات التالية:

الوطن :

الأم :

الليل :

الحب :

الصمت :

أمريكا :

المرأة :

الإنترنت :

البوابة :

الماسنجر :



*كيف تتخيل العالم دون هذه الأشياء ( الشاي، الكمبيوتر ،، أمريكا ، يوم الجمعة) ؟!!

*اختر منصباً واتخذ قرارا ! ؟

*عاد المتنبي وقصدك لتبحث له عن عمل ، ماذا ستقترح عليه ؟



*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟

*أختر خمسة أعضاء من المنتدى وامنحهم ألقاباً ؟

*وجه رسالة لشخص لا يعرفه إلا أنت ؟

*ما هو لون النسيان؟

[دابراهيم]

*أنت مكلف بحذف حرفين من حروف اللغة العربية .. أيهما ستختار ولماذا ؟ لن احذف اي حروف من لغة القران الكريم

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟ اضع القنبلة في عقل الحاقدين و اضع الوردة علي قبور الشهداء

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟ و ايه المشكلة في انك تحلم حتي الحلم عامل له حساب

*بجملة واحدة فقط أكتب تعريفاً لكل كلمة من الكلمات التالية:

الوطن : المعشوق للنهايه بكل ما فيه

الأم : رمز الامان

الليل : صديق لا يمل من كثرة اصدقائه

الحب : الحياة

الصمت : صنع من الماظ

أمريكا :الا لعنه الله علي الظالمين

المرأة : النصف الاخر

الإنترنت : مهم

البوابة : بوابه ايه

الماسنجر : للاصدقاء فقط



*كيف تتخيل العالم دون هذه الأشياء ( الشاي، الكمبيوتر ،، أمريكا ، يوم الجمعة) ؟!!
اتخيل العالم كويس من دون هذه الاشياء الا يوم الجمعة فهو من اهعظم الايام في الاسلام
*اختر منصباً واتخذ قرارا ! ؟ وزير الزراعة
القرار الغاء استخدام كافة انواع المبيدات و الاسمده الكيماوية
زراعة كل شبر في مصر

*عاد المتنبي وقصدك لتبحث له عن عمل ، ماذا ستقترح عليه ؟

يعمل شاعرا علي فكرة الراجل ده اتظلم لما قالوا انه ادعي النبوة

*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟ جورج بوش و باراك اوباما عشان يحلو ا مشاكل المنطقة دي من غير ما حد يضايقهم

*أختر خمسة أعضاء من المنتدى وامنحهم ألقاباً ؟ اعذرني علي السؤال ده انا ليسة ما عرفش الاعضاء كويس

*وجه رسالة لشخص لا يعرفه إلا أنت ؟ علمتني اشياء جميلة لهذا تستحق ان انحني لك احتراما و عرفانا للجميل
*ما هو لون النسيان؟ للاسف حتي الان لا انسي و بالتالي لن اعرف لونه

[nobel]

شكرا ع المرور

[?????]

انا عجبتنى ردود د / ابراهيم جدا بس ليا شوية تعليقات بسيطة الليل :القلبالكبير الام : كل حياتى وربنا يخليلى امى هيه نور عنيا وبعدين الشاى انا مقدرش اعيش من غيره والمتنبى هاقوله دنيتنا متنفعكش الدنيا اتغيرت وبيتهيألى مش هيقدر يعيش فى العصر ده وهتجيله صدمة ويموت تانى ولو كنت مرشد سياحى فى الربع الخالى هاخد عليهم زيادة نتنياهو مفيش فى الدنيا حد ميعرفوش الا واحد بس ممكن يكون مفهمهوش الا واحد واعتقد ان الحد دة مفهمهوش غيرى وانا اشكره لانه ساعدنى كتير عشان افهمه وطبعا يستاهل ارفعه القبعة وشكرا ليك يا احمد على الموضوع واوعدك اكون عضوة قريبا بس بعد الامتحانات وكمان انا محتارة فى اختيار الاسم

[دابراهيم]

شكرا يا زائرة علي التعليق علي ردي

[nobel]

انا اسف انى من زمان مش بظهر بس والله الترم ده تقيل اوى واوعدكم بموضيع تهد الدنيا ان شاء الله وشكرا ع مرور حضرتك وربنا يوافقك والدكتور ابراهيم حبيب قلبى وحشتنى وبجد متزعلش منى انى مش بدخل المنتدى بس اوعدك قريب هنرجع تانى كلنا

[احمد أمين]

د/ابراهيم ردودك جميله جدا
بس حضرتك ممكن تتخيل بلدنا من غيرم مبيدات امال هيبقى فين الغلط
لازم يكون فى حاجه غلط عشان الناس تعرف تعيش عشان تعرف تغش وتسرق وتنهب وترتشى
لو البلد كلها صح الناس هتموت مش هيبلاقوا حاجه يعملوها عشان كلهم بعدوا عن الدين وعن ربنا سبحانه وتعالى

[دابراهيم]

شكرا يا احمد علي متابعتك للموضوع و لردي
بس الحياة زي ما هي مش وردية كمان مش سودا اوي كده في ناس عندها ضمير و بتشتغل بما يرضي الله
ربنا يوفقك و شد حيلك

[?????]

انا مع حضرتك يا دكتور بس في ناس ممكن يكون عندها ضمير وبتعمل اللى عليها بجد بس من ناحية تانية بتزل الناس باللى هيه بتعمله او بمعنى اصح بتحسسهم انها بتمن عليهم بده واظن ان ده ملموس دلوقتى وكتير جدا وكمان اسمحلى وبدون زعل ممكن حضرتك تكون بتعمل ده انا ما اعرفش حضرتك كده ولا لاء بس اللى بيعما كده مش بيكون حاسس انه بيظلم حد بل بالعكس بيحس ان ده المفروض ...

[دابراهيم]

السلام عليكم و رحمة الله و بركاته
انا متشكر جدا علي تعليق الزائرة علي ردي . بس انا عندي تعليق علي ردك. اي انسان بيشتغل بضمير ما بيذلش حد زي ما حضرتك بتقولي الله سبحانه و تعالي هو المعز المذل و لا يستطيع مخلوق ايا كان ان يشارك المولي عز و جل في صفاته فنحن جميعا عباد لله تحت سلطانه و طاعته و مهما بلغ المخلوق من علم او سلطة فانه اقل من ان يخالف رب العزة تبارك و تعالي .
و لكن هنا نقطة يجب ان نفهمها ان اول اسس التفاعل الانساني هو المفهوم الذاتي الايجابي بمعني ان يفهم الانسان نفسه اولا بمعني ان يفهم النقط الايجابية في شخصيته و ايضا يفهم نقط الضعف . فاذا فهم الانسان هذه النقاط فانه ان اخطا يعلم ذلك و ان اصاب يعلم ذلك ايضا و هنا وقفة. اذا اخطا الانسان فعليه ان يعترف بخطاه حتي يتجنب الوقوع في هذا الخطا مرة ثانية.
و لكن بعض الظروف او المواقف الاجتماعية تتطلب ان يكون الفرد ذو قرار و الدليل علي ذلك حديث السفينة للرسول صلي الله عليه و سلم حيث مثل المجتمع بسفينه قوم في اسفلها و قوم في اعلاها اذا اراد من في اسفلها ان يشرب و ثقب ثقب حتي يتزود بالماء اغرق السفينة و هنا ياتي دور من في اعلاها ان يمنعوا من في الاسفل من ثقب هذه السفينة حتي لا يغرقوا جميعا.و احيانا قلة الخبرة في الحياة يبقي ليها تاثير علي الفرد من ناحية تحديده لطبيعة الموقف اللي هو مشترك فيه سواء كان اشتراكه في الموقف مجبر عليه او باختياره.
عامة انا جاوبت اجابه عامة لان كلام حضرتك عام و لو انتي شايفة اي خطا انا باقوم بيه بمنتهي البساطة قولي لي عليه من غير اي تردد و انا مش من النوع اللي بيزعل من نقد الاخرين طالما النقد هادف و بناء.
اسف علي الاطالة و شكرا مرة تانية.

[احمد أمين]

دكتور ابراهيم انا مع حضرتك فى كل الكلام اللى حضرتك رديت بيه
بس فى حاجات ساعات الانسان بيبقى عارف انها غلط وفيها ظلم لبعض الناس بس بيبقى مجبر عليها
يعنى مثلا ابسط الامثله
حضرتك استاذ جامعى عندك الطلب اللى مستواه حلو والطالب اللى يعنى واللى وحش
لو جالك من عميد الكليه مثلا وقالك خلى الطالب الوحش يبقى درجاته 36 من 40 فى العملى
وحضرتك عارف ان فى الموضوع ده ظلم للطالب الناجح اللى تعب
هتعمل ايه؟

[nobel]

هيعمل ايه يعنى يا ابو حميد للضروره احكام ده بعد اذن دكتورى واخونا الكبير دكتور ابراهيم

[دابراهيم]

السلام عليكم و رحمة الله و بركاته
انا سعيد من زيارتكم لي يا شباب في الكلية و ارجو ان الصورة تكون وضحت وهي ان مافيش اي طالب بياخد اكتر من حقه في الامتحان لان التعليم الجامعي حر و اذا كان في اي واقعة من هذا القبيل فانها تمثل حاله فردية و لا تعني ان التعليم كله كده . ثم ان عميد الكلية هو اول مسئول عن نزاهة الامتحانات و لا يمكن حدوث ذلك. في الحقيقة انا مهتم جدا بالرد علي اي استفسار لان ده جزء من دورنا ان الطالب يعرف كل شئ عن حياته الجامعية دون تزييف و شكرا علي المتابعة .
بالمناسبة اكرر شكري للزائرة اللي كان عندها استفسار و انا باعتذر عن عدم الاجابة عليه قبل حذفه من قبل الادارة لضيق الوقت.

[????????]

السلام عليكم
فى الحقيقة انا باطلب طلب من احمد و دكتور ابراهيم وهو انى دلوقتى فى سنة تانية والتخصص السنة الجاية وانا محتارة بين الكيمياء وعلوم الاغذية وعايزة تقولولى ايه اللى ممكن يخلينى ادخل اى قسم من الاتنين وايه اللى ممكن يخلينى ما ادخلش باختصار المميزات والعيوب لكل قسم ويا ريت بكل صراحة لان ده مستقبل واكون شاكرة جدا للتعليق

[دابراهيم]

بسم الله الرحمن الرحيم
كل الاسباب اللي تتخيليها للتعليم ها تلاقيها في قسم علوم الاغذية من علم و اتقان بل و احتراف
السبب الوحيد اللي عشانه ما تدخليش علوم الاغذية هو انك تكوني مهملة في دراستك.
ده رايي الشخصي و لو في اي استفسار تاني اكتبي

[????????]

فى الحقيقة يا دكتور انا السبب الاول اللى يخلينى اختار قسم معين هو معاملة الدكاترة للطلبة وبصراحة انا اسمع عن دكاترة علوم اغذية انهم صعب شوية فى المعاملة مع الطلبة يا ريت تصححلى المعلومة وشكرا

[دابراهيم]

بالعكس احنا كلنا بنتعامل مع الطلبة زي اخواتنا و ما بنفرقش و الدليل علي كده ممكن تسالي طلبة الفرقة الرابعة تخصص علوم اغذية و هم يفهموكي .

[احمد أمين]

يا زائره
انا ممكن ارد عليكى باختصار قسم علوم الاغذيه بيتعاملوا مع الطلبه كلهم على انهم اخواتهم الصغيرين ومعاملتهم كويسه جدا اللى زميلك يقولولك انهم صعب شويه ده راجع انهم بيهتموا بالماده العلميه كده
يعنى عيزين الطالب اللى ياخد الشهاده من عندهم يكون فعلا يستحقها فهمانى فى زى ما قلك دكتور ابراهيم لو انتى مهمله فى دراستك شويه انصحك انا ما تدخليهوش
اما قسم الكمياء بقى اللى يرد عليكى هو احمد نبيل
عشان لايسئل ومالك فى المدينه

[nobel]

بعد ازن دكتورى واخويه الكبير دكتور ابراهيم

انا من وجهه نظرى انى الكمياء اساسا كل شئ حتى قسم الصناعات كل محوره الاساسيه هى الكمياء وانا بعتبرها روحى اللى بعيش بيها وليه وبالنسبه للمجالات اللى تقصدى انك هتتعلميها منها حضرتك ممكن تكون دكتوره تحاليل او كميائيه فى مصانع العطور او الزيوت او فى البترول ولو حضرتك عندك صبر ع التعليم ممكن تتاح ليكى فرص لشركات الادويه ولو دورتى حاوليكى هتلقى انى العلم كله متصل ببعضه بس من وجهه نظرى انى الكمياء هى حلقه الوصل ده من غيرها حاجات كتير مش هيكون ليها تفسير وممكن دكتور ابراهيم يقول انى كل ابحاثه وشغله من غير المواد الكميائيه ممكن تقف تماما يعنى ادخلى اى قسم هتلقى محطوط قدامك برمنجانات بوتاسيم وفى معمل ع الاقل فى كل قسم اسمه معمل الكمياء واولهم قسم الصناعات او علوم الاغذيه بمعنى اوضح وشكرا ولو حضرتك عاوزه تعرفى حاجه ع المنهج ممكن تتوجهى للقسمين وتشوفى اكتر قسم قدراتك هتكون واضحه فيه ياريت اكون قدرت اسعدك وشكرا

[دابراهيم]

المهم في الاختيار الطالب ميوله ايه . زي ما احمد قال لازم تعرف المواد هنا ايه و هنا ايه و تشوف هي مياله لاي قسم.

"و لمن خاف مقام ربه جنتان" عدلها يا احمد لو سمحت

[دابراهيم]

ايه رايكم يا شباب : احمد نبيل و احمد امين و مصطفي نعمل قسم لاسئلة الطلاب و مناقشة المسائل اللي زي دي

[احمد أمين]

فكره رائعه جدا يا دكتور

[nobel]

فكره جميله وع فكره والله يا دكتور ده غلطه كتبه وشكرا ع التعديل بس حضرتك ما قولتش بردوا لولا الكمياء حضرتك كنت هتكمل ههههههههههه

[????????]

انا متشكرة جدا على الاهتمام بالسؤال بتاعى وبجد من كتر ما كل واحد حابب مجاله اوى حيرتونى اكتر
بس فعلا يا دكتور ابراهيم الاقتراح بتاع حضرتك جميل جدا ولازم يحصل ده عن قريب ان شاء الله وكمان انا عندى اقتراح كمان ان نعمل قسم مخصص باهتمامات البنات المطبخ ملابس كده يعنى
وكمان يا احمد اسمحلى اقولك ان انتو غلطو غلطة كبيرة وهي انكم ما عملتوش دعايا للمنتدى فى الكليه
وانا من الناس اللى عرفت المنتدى بمحض الصدفة لازم تعملوا اعلان فى الكليه وتعلقوه فى كل مكان فى الكليه واسمحلى كمان اصلح لاحمد امين مقولته وهى لا يفتى ومالك فى المدينة
وشكرا مرة تانية ويا ريت تقولولى رايكم فى المشاركة دى والسلام عليكم

[nobel]

هى مشاركه جميل وانت منوره المنتدى وياريت تقولى لكل الناس انى فيه منتدى وانى هو جميل زى ما انت شايفه وارجو منك رجاء انك تسجلى معانا وتكونى واحده من اسره المنتدى واظن ده مش هيخسرك كتير بالعكس ده هيكون فى مصلحتك وهيشرفنا انك تكونى معانا وانا والله قولت ع المنتدى لناس كتير بس تقريبا انى معرفش حضرتك فعلشان كده مقولتلقيش وده من حسن حظنا انك معانا