للمتزوجين التعساء فقط

[????]

حالياً فى الاسواق أفلام جديده :-

والعرض مستمر مدى الحياة

1- زوجتى قنوعة ............ ..(خيالي)
2- القرار بيد الزوج............ .(تاريخى)
3- الذهاب للسوق.............(دراما)
4- متأخر ليه ............ .....(حربى)
5- فين المصروف ............(أكشن)
6- حماتى عندنا ............ (رعب)

***********************


واحد ماشى مع خطيبته واخر انسجام

فقالها : عارفة اية هو الحب واية الجواز؟

قالته : لا

‏قالها : الحب زى النجوم الجميلة اللى فى السماء

قالتله : طب والجواز؟

قالها : دى الحفرة اللى بنقع فيها ‏واحنا بنبص على النجوم



**********************



واحد متجوز وقاعد في البيت وبيبص كتير في عقد الزواج

مراته قالت له : بتبص في عقد الزواج ‏ليه يا حبيبي؟

قالها : مش عارف يا حياتي المأذون كتب تاريخ انتهاء العقد فين




************************


واحد قاعد في أمان الله بيقرا الجرنان

وفجأة جت مراته وضربته بغطا الحلة فوق دماغه .. ‏طرررررخ

الزوج : 'فيه ايه يا بنت الحلال؟ ليه كدا؟؟؟

الزوجه : ايه الورقه اللي في جيب بدلتك ومكتوب عليها 'سوسو'؟

الزوج : يا بنت الحلال، ده ‏أسم الحصان اللى بنشجعه في السباق!

الزوجه صدقته وراحت لحالها

بعد اسبوع

الزوج قاعد في ‏أمان الله يقرا الجرنان

وفجأة جت مراته وضربته بغطا الحلة على راسه

الزوج : خير يابنت ‏الحلال في ايه تاني؟

الزوجه : حصانك على التليفون



**********************




مره واحده بتقول لجوزها :

تصدق إن أنا كل يوم بحلم بيوم جوازنا

قالها :

هى لسه الكوابيس دى ‏بتجيلك؟



**********************



‏ مرة واحد قال لصاحبه

عاوز أعمل لمراتي مفاجأة فى عيد جوازنا

صاحبه قاله : هتعمل إيه؟

قاله : هوديها الصين

قاله : يا راجل فى عيد جوازكوا العاشر توديها الصين

أومال فى عيد ‏جوازكوا الخمسة وعشرين هتعمل ايه؟

فقالوا : هروح أجيبها



**********************



مرة دكتور دخل عنبر فى سراية المجانين لقى واحد بيخبط دماغة فى الحيطة

سأل الممرضة ماله ده ‏؟

قالت : أصله كان بيحب واحدة ومتجوزهاش

دخل العنبر الى بعده لقى واحد بيضرب نفسة ‏بالشبشب قالها وده ماله

قالتله : اصل ده الى اتجوزها‏

[Admin]

مية مية عليك يا ريس تسلم ايدك